SUPER STAR'Z WA BONGO

Moto kuwaka BSS leo!

2008-04-04T00:22:00.000-07:00

Patakuwa hapatoshi leo kwenye ukumbi uliopo ndani hoteli ya Blue Pearl ndani ya jengo la Ubungo Plaza ambapo wakali wa 5 watatupa karata zao za mwisho katika fainali za kutafuta mshindi wa shindano la kutafuta vipaji la Bongo Star Search (BSS) atakayesunda kwapani kitita cha Dola 15,000 na ofa ya kurekodi video ya kwanza katika kampuni ya Benchmark Production.

Sambamba na fainali hizo kunatazamiwa kuwa na makamuzi ya kufa mtu kutoka kwa kina dada wakali wa Kijamaica 'Brick & Lace', wanaotamba na wimbo wao wa 'Love is Wicked'.
Fainali hiyo, inatazamiwa kuwa ya `vuta nikuvute`kutokana na washiriki hao....Roger Lucas, Maangaza Nyange, Misoji Edward, Yohanna Simon na Elynema Mbwambo kuwa na vipaji tofauti tofauti visivyotabirika.

Yohana na sauti yake nzito atakuwa akisubiriwa kwa hamu ili kuona atarusha karata yake kwa kutumia staili ipi.

Ameonekana kumudu fani mbalimbali kutokana na sauti yake maridadi.

Misoji Nkwabi, ambaye amweza kuteka watu kutokana na uwezo wake wa kuimba nyimbo za wasanii wa Afrika Kusini kama marehemu Brenda Fassie na nyakati fulani hata nyimbo za wasanii wa Ulaya.

Hata hivyo, makali yake zaidi yamekuwa katika muziki wa Injili, ambao umetoka kuwa na mashabiki wengi.

Bila ya shaka yoyote kura zake nyingi atazipata kutoka kwa wapenzi wa muziki wa Injili.

Rogers Lucas, `mtaalamu` wa kutunga nyimbo zake mwenye, kipaji ambacho ni cha nadra sana.

Rogers na gitaa lake pengine ataibuka na wimbo wa kuweza kuzingua watu watakaokuwa wanashuhudia shoo ya leo.

Elynema, aliyefurahi mno na kuparamia nguzo ukumbini, Jumapili iliyopita baada ya kuingia tano bora, ana nafasi nzuri ya kuweza kufanya vizuri kutokana sauti yake kuwa ya kuvutia.

Mashabiki wa taarabu watakuwa `beneti` na Maangaza, ambaye toka mwanzo wa shindano hilo amekuwa aking`ara kutokana na kuimba nyimbo za taarab.

Pia kuna habari tayari makundi mbalimbali ya taarab yanamnyemelea mshiriki huyo.

Ili kupata mshindi, majaji wana asilimia 60 kwenye maamuzi ya kura za kuamua.Asilimia 40 ni kura zitazopigwa na mashabiki watakaoshuhudia fainali hiyo kupitia kituo cha televisheni cha ITV kitakachorusha fainali hiyo moja kwa moja.

Pamoja na Brick & Lace, wengine watakaotoa burundani leo ni pamoja na mshindi wa mwaka jana wa BSS, Jumanne Iddi, Aboubakary Mzuri, Kala Jeremiah na Mrisho Rajabu.

Kiingilio kitakuwa sh. 35,000 kwa viti maalum na sh. 20,000 kwa sehemu za kawaida.

Wadhamini wa shindano hilo ni pamoja na Kampuni ya simu za mikononi ya Tigo, Coca Cola, LG, Tume ya Kudhibiti Ukimwi nchini (TACAIDS), The Living Room, hoteli ya Giraffe Ocean View, GMC, Mariedo, Sadolin, Shirika la Umoja wa Mataifa la Kuhudumia Watoto (UNICEF) na Kilimanjaro Drinking Water.

BSS wakamatishwa Bingo zao!

2008-04-04T00:18:00.000-07:00

Mshindi wa (BSS) Bongo Star Search 2008,mwanadada Misoji Mkwabi jana alikamatishwa rasmi zawadi zake za ushindi kutoka kwa wadhamimi wa shindano hilo.

Mbali na mwanadada huyo wengine waliokabidhiwa zawadi zao...ni wale washiriki wengine waliobahatika kufikia hatua ya top 10.

Zawadi zilizotolewa kwa mshindi wa kwanza ni hundi ya dola za kimarekani 15,000,Television inchi 29 kutoka Kampuni ya LG, simu ya mkononi, fulana, kutoka kampuni hiyo hiyo, seti ya Sofa, kutoka Kampuni ya Living Room, Computer....pamoja na kurekodi albamu katika studio ya GMC.
Mbali na zawadi hiyo pia Misoji alikabidhiwa zawadi ya Sh. milioni 1 taslimu kutoka (FHI) Family Health Internation, kwa ajili ya kutunga nyimbo bora ya Ukimwi.

Mshindi wa pili katika shindano hilo, ambaye ni Rogers Lucas alizawadiwa Fridge,Simu ya mkononi, kutoka Kampuni ya LG,Computer....Sh. 500,000 kutoka Benchmark, pamoja na zawadi ya nguo kutoka kwa moja ya wadhamini Mariedo Botique na Sh. 150,000 kutoka FHI kwa ajili ya kutunga nyimbo ya Ukimwi.

Mshindi wa tatu katika shindano hilo, ambaye ni Elynema Mbwambo alizawadiwa DVD player, simu ya mkononi, kutoka Kampuni ya LG, Komputa kutoka Desktop, Sh. 500,000, kutoka Benchmark, nguo kutoka Mariedo Botique, pamoja na hundi ya Sh. 500,000 kutoka Shear Illusion.

Wakati mshindi wa nne katika shindano hilo ni Yohana Simon, aliyezawadiwa pesa taslimu Sh. 500,000 kutoka Benchmark, Min Stereo, simu ya mkononi kutoka LG, komputa kutoka Desk top, pamoja na mavazi kutoka kwa Mariedo Botique.

Maangaza Nyange ambae alikuwa mshindi wa tano katika shindano hilo, alizawadiwa Sh. 500,000 kutoka Benchmark, Computer, kutoka Desktop,simu ya mkononi, kutoka LG, pamoja na mavazi kutoka Mariedo Botique, pamoja na sh 600,000 kwa ajili ya kuwa mshindi wa pili wa kutunga nyimbo inayohusu ukimwi.

Washiriki wengine waliongia katika 10, bora walipata kifuta jasho cha sh 500,000 kutoka Benchmark, pamoja na simu za mkononi kutoka Kampuni ya LG.

XG (GOD NYANI) PRODUCER WA JITA RECORDS

2008-03-23T03:34:00.000-07:00

Huyu ndiye producer XG anaye fanya maproducer wakongwe wa dar waumize vichwa pia wasanii ma superstars kama Sqeezer na Mansoor kumkubali
Ebwana hapa akitafuta sample kiaina chemba

Muungano nje ya Tip Top!

2008-03-18T03:50:00.001-07:00

Katika hali ambayo naweza kuiita ya kushangaza...wale wasanii wawili maswahiba......Mb Dogg na mwenzake Deso, ambao sio siku nyingi zilizopita walijitoa kwenye kundi lao la zamani la...'Tip Top Connection' wameungana na kuunda umoja wao Chini ya jina la 'Wamanza Bay'.
Kwa mujibu wa wawili hao....lengo la muungano huo ni kusaidiana katika kazi zao za sanaa kama familia na wala sio kama kundi.

``Tumekuwa na mahusiano mazuri tangu tukiwa ndani ya kundi letu la zamani....tumeona iko haja ya kukaa pamoja na kushirikiana.....ni ushirikiano wa kupeana kampani katika mambo mengi ya kikazi,`` alisema Deso.

``Kila msanii anaweza kuendelea kufanya kazi zake kivyake na kutoa albam zake lakini, unafanya hivyo huku ukijua una mtu ama watu wa familia yako wanaokusapoti.....ndio maana nzima ya familia yetu hii,`` alisema Deso.

Hivi sasa kundi hilo linajiandaa kupiga picha za pamoja kwa ajili ya kuutangaza muunganiko wao...na wana imani mambo yakienda kama yalivyopangwa watafanya familia kubwa zaidi na kuibua vipaji vya wasanii wengi waliofichika.

Tuzo za vinara wa Filamu kusheheni Mei 2008

2008-03-18T03:47:00.000-07:00

Baada ya kufana kwa uzinduzi wa Tuzo za Vinara wa filamu Tanzania, na waandaaji wanaalikwa kujaza fomu za ushiriki ili kuweza kuwasilisha kazi zao katika Tuzo za 2008.
Fomu hizi zitapatikana ndani ya ofisi za BASATA (Muulizie Omar Mayanga), Wananchi Wote, Kapico, GMC na Game First Quality.

Baada ya kujaza fomu watengezaji wa filamu wanatakiwa kurudisha fomu na nakala ya kazi kwenye ofisi za BASATA kwa Omar Mayanga.

Pia utoaji tuzo za Vinara wa Filamu Tanzania unalenga katika kuifanya sanaa ya Tanzania kupata nguvu mpya na kuwafanya watengenezaji na wadau wa sanaa kufanya bidii katika ushindani wa soko la sanaa.

Wameamua kufanya hivyo ili kutengeneza kazi zilizo bora zaidi zinazoweza kuuzika kimataifa, ili nchi yetu iwe katika ramani ya dunia.

Tuzo za Vinara wa Filamu Tanzania pia zinalenga kuwafanya wananchi kuendelea kuwa na mwamko wa kupenda kaz, zinazotengenezwa na Watanzania wenzao ili kupata mafunzo mbalimbali yatokanayo na kazi za wasanii na pia kukuza soko kwa faida ya pande zote mbili.

Katika fomu hizo, kutaainishwa mambo muhimu ambayo mtengenezaji wa filamu atapaswa kujaza.

Fomu hiyo itakuwa na maswali mengine yaani filamu imetengenezwa lini, mahali ilikotengenezwa, maudhui ya filamu na lugha iliyotumika.

Baada ya fomu hizo kujazwa kwa usahihi, zitatumwa kwenye ofisi za waandaji, kwa mkono au njia ya posta kwa anuani kamili ya waandaji. Watengenezaji wa filamu husika watapaswa kuambatanisha na mkanda wa filamu (VHS/DVD/VCD).

Kutakuwa na jopo la majaji wanane (8) watakaochaguliwa na waandaji kwa kushirikiana na Baraza la sanaa la Taifa nchini, watakaokuwa na jukumu la kupitia filamu zote na kuzitolea uamuzi.

Majina na wasifu za majaji zitawekwa bayana hivi karibuni, pia vigezo zitakazotumika zitawekwa wazi.

Filamu zitakazoingizwa kuwania tuzo ni zile zilizotengenezwa na Watanzania kuanzia Januari 2007 hadi mwisho wa siku ya kualikwa watengenezaji kuingiza filamu zao ambayo itakuwa 31 Machi 2008.

Kushiriki kwa watengezaji wa filamu itasaidia kupata Filamu Bora ya Mwaka, Muigizaji Bora wa Mwaka wa Kiume, Muigizaji Bora wa Mwaka wa Kike, Muigizaji Bora Chipukizi wa Mwaka wa Kiume, Muigizaji Bora Chipukizi wa Mwaka wa Kike, Mwongozaji Sinema Bora wa Mwaka, Mchekeshaji Bora wa Mwaka, Mwandishi Bora wa Filamu, Mtunzi Bora wa Filamu, Filamu Bora ya kutisha, Muigizaji Mwandamizii Bora wa kike (supporting actor), Muigizaji Bora Mwandamizi wa Kike; Adui Bora kwenye Filamu, Mhariri Bora wa Filamu na mapambo na maleba ya mwaka.

Pia itatolewa tuzo ya heshima kwa wale waliotoa machango wao kukuza sanaa ya hapa nchini.

Tukio la utoaji wa tuzo hizi limepangwa kufanyika mwezi Mei 2008 na litafanyika kila mwaka.

Misifa Uscandinavia!

2008-03-17T03:48:00.000-07:00

Kama kawaida yake ni yuleyuleee mzee wa Misifa a.k.a Dully Sykes kama anavyojulikana kwasana washabiki wake...na habari zilizoifikia meza yetu ni kwamba kijana huyu mtoto wa ilala,hivi karibuni atapiga tour la kujisha katika nchi za Scandinavia.
Taarifa kutoka ndani ya kambi ya msanii huyo,ilisema kuwa Dully katika ziara hiyo anatarajia kwenda nchi za Denmark,Norway na Finland...ambapo kwasasa yuko chimbo kujiandaa vyema kwa ziara hiyo ambayo kwa hakika itakuwa ikisubiriwa kwa hamu kubwa na wabongo waishio ktk nchi zilizotajwa hapo juu.

Ziara hili limekuja baada mafanikio ya ziara yake ya mwaka jana nchini Uholanzi.

Haya kaka mungu akupe nini....nenda kafanye kweli...sio ukalete misifa tena huko!

JITA RECORD'S SASA YAWA TISHIO DAR

2008-03-17T01:46:00.001-07:00

Jita Record's sasa inazidi umiza vichwa baadhi ya wa miliki wa studio kutokana na ubora wa kazi zinazo fanyika hapo pia producer XG a.k.a GOD nyani anazidi umiza pia vichwa vya ma producer wengine baada ya kukamirisha kazi ya msanii mahiri wa mziki wa Hiphop Mansuli

KANUMBA AZIDI RAMBA BINGO

2008-01-16T07:59:00.000-08:00

Msanii wa filamu nchini, Steven Kanumba mwishoni mwa wiki iliyopita alijikuta akimwaga chozi la furaha nchini Marekani baada ya kupewa tuzo ya Best Tanzania Hollywood Achievement, kutoka Kampuni ya Universal Hollywood ya nchini humo.

Kanumba ambaye

MR.HANDSOME

2008-01-16T07:44:00.001-08:00

MWANAMUZIKI nyota wa muziki wa kizazi kipya, Banana Ally Zorro(pichani), baada ya kutesa vilivyo katika anga la muziki hivi karibuni anatarajiwa kuibuka kivingine katika filamu mpya ya ‘Kibongo’ inayokwenda kwa jina la ‘Mr. Handsome’, imefahamika. Habari zaidi bonyeza hapa.

Hatimaye Banana Zorro na Suzy Walele jana walifunga pingu za maisha

2008-01-01T23:41:00.000-08:00

Jana ndio ilikuwa jana.Kama ambavyo imekuwa ikiripotiwa,Banana Zorro na Suzy Walele jana walifunga pingu za maisha.Pichani ni Banana Zorro akimlisha keki mkewe Suzy Walele.Sherehe hiyo iliyofana ilifanyika katika ukumbi wa Msasani Beach Club jijini Dar-es-salaam.Banana na Suzy wamefungua ukurasa mpya.BC inawatakia kila la kheri.Kwa picha zaidi endelea hapa

(more…)

Mwana FA

2008-01-01T23:25:00.000-08:00

Pichani ni Hamisi Mwinjuma aka Mwanafalsafa(MwanaFA).Msanii huyu wa muziki wa kizazi kipya ni miongoni mwa wasanii ambao wanasifika sana kwa kuwa na mashairi makali na yenye ujumbe mzito nchini Tanzania.Pengine yeye mwenyewe alilijua hilo wakati anaingia kwenye fani ya muziki na ndio maana akaamua kujiita Mwanafalsafa.Hatujui,siku moja tutamuuliza.

Mwanafalsafa ameshatunga mashairi na nyimbo nyingi.Miongoni mwa nyimbo au mashairi hayo ni lile ambalo inasemekana ndio “lilimtoa”.Aliliita “Ingekuwa Vipi”.Humo alikuwa anahoji mambo kadhaa kama vile;

Ingekuwa vipi Yesu angerudi?Angemaliza vita ya Wapalestina na Wayahudi? lngekuwa vipi kama Osama angeutawala Ulimwengu?Wamarekani Uarabuni wangekuwa Sungusungu?Ungekuwa vipi ulimwengu kama kusingekuwa na dini?Dunia bila dhambi,Kipimo cha uovu nini?Polisi, mahakama na gerezani angeenda nani?Vipi kama Wazungu wasingeingia Afrika? Magari, ndege, Reli na nguo, nani angeleta?Na bila biashara ya utumwa wangekuwepo black Americans? …na mengineyo.

Unaweza kuusikiliza wimbo huo wa MwanaFA kupitia EastafricanTube kwa kubonyeza hapa.

Heri ya Mwaka mpya

2007-12-30T23:01:00.000-08:00

Zahir Ally Zorro anatarajia kufunga pingu za maisha kesho

2007-12-30T22:45:00.000-08:00

Kama tulivyoripoti siku chache zilizopita, msanii wa muziki wa kizazi kipya, Banana Zahir Ally Zorro anatarajia kufunga pingu za maisha kesho ndani ya Msasani Beach Club.Anamuoa mchumba wake aitwaye Suzy Walele.
Pichani ni Banana Zorro(kushoto) akiwa na mchumba wake Suzy wakati wa send-off iliyofanyika katika ukumbi wa Sababa uliopo Kilwa Road jijini Dar-es-salaam jioni ya jana. Kila la kheri Banana na Suzy.

Fid Q akitumbuiza

2007-12-30T22:40:00.000-08:00

Fid Q akitumbuiza
Msanii wa Bongo Fleva anayeghani tungo tata Fid Q akitumbuiza wakati wa onyesho la Likito Time jana katika ukumbi wa Diamond Jubilee jijini Dar es Salaam.
Posted: 02:38, Saturday, December 29, 2007 Comments (0) | Add Comment | Link

A Y nae alipagawisha

2007-12-30T22:37:00.000-08:00

A Y nae alipagawisha

Msanii Ambwene Yesaya maarufu A Y akipagawisha mashabiki wake wakati wa tamnasha la burudani kwa vijana waliokuwa mashuleni la Likizo Time jana jijini Dar es Salaam.

Posted: 02:47, Saturday, December 29, 2007 Comments (0) | Add Comment | Link

Mastaa wa bongo

2007-12-30T22:33:00.000-08:00

Mastaa wa Bongo wakiwa katikpozi

Pyramid Stationary Mabingwa wa Kuuza na Kusambaza Vitabu vya shule Dsm Tanzania

2007-12-28T04:06:00.000-08:00

Kwa mahitaji yako yote ya shule wasiliana nasi:
Karia koo-opposite na
Benjamini secondary
Mabibo
Head Office:
Mwenge stand Pyramid Stationary-Dsm
Mobile:0754-4845761
Tanzania.

Wadau wa Blog hii Waishio Bongo Wakiwa na Mshindi wa BBA 2007

2007-12-28T00:06:00.000-08:00

Kwajinsi huyu jamaa alivyokuwa anadamu yakupendwa na watu hata hawa wa Tanzania ambao pia ni wadau waliweza kujimovuzisha naye mbele ya Camera hii.Big Up!

Hii ndo Bongo"piga kufuri kwa usalama wako"

2007-12-27T23:44:00.000-08:00

Unaoonekana kushoto ndio mtaa wa Aggrey kuelekea Mtaa wa Msimbazi kama unatoka TBL ulivyo leo, umejaa maduka na maghorofa yanayojengwa kila siku. Baada ya miezi mitatu ijayo hapa pataonekana vingine.

Mastaa wa BBA 2007

2007-12-27T23:37:00.000-08:00

Richard na mkewe Ricky (kulia) na Code na mkewe Juna jana mbele ya Press! PATA HABARI KAMILI HAPA: WWW.GLOBALPUBLUSHERSTZ.COM

Hawa ndo mastaa wa Move Bongo

2007-12-27T23:29:00.000-08:00

Hawa ndio mastaa wa filamu wa Bongo waliojuu kwa sasa! Tumepewa taarifa, tayari staa mmoja wa filamu Bongo, Steve Kanumba, ametua Hollywood Marekani kwa mwaliko rasmi kutoka John Wayne International Movie Award (?)..Waughaibuni mnaifahamu hii...tupemi taarifa!

TMK FAMILY

2007-12-27T23:27:00.000-08:00

TMK Family
Pamoja na kukumbwa na dhoruba kali, ambalo liliwafanya wagawanyike, vijana wa TMK Wanaume Family walisimama imara katika game na hatimaye watajwa kuwa kundi lililofanya vizuri mwaka huu. Pini zao kama Kazi ipo, Pisha njia, Dar Mpaka Moro, huku wakiingiza sokoni albamu tatu kwa mpigo ni ushahidi tosh

Z ANTO

2007-12-27T23:24:00.001-08:00

Z-Anto
Msanii chipukizi aliyetajwa kufunga mwaka kwa mafanikio makubwa, hasa baada ya kuachia albamu yake yenye jina la Binti Kiziwi, huku nyimbo zake kama Mpenzi jini na huo uliobeba jina la albamu zikifunika ile mbaya

Richard Mshindi BBA 2007

2007-12-27T23:19:00.000-08:00

Mshindi wa BBA Africa Richard Akishangilia Baada ya kutangazwa kuwa mshindi siku ya Jumapili hiyo ambapo aliibuka na kitita cha pesa.

Jokate avutia zaidi?

2007-12-27T23:13:00.001-08:00

Napenda nimshukuru Mwenyezi Mungu kwa kuniwezesha kuwa hai leo hii na kuendelea na kazi yangu na kwa kukuwezesha wewe kuwa katika hali nzuri kiafya ambayo imekufanya uwe na uwezo wa kusoma safu hii.
Wote tunajua kwamba tupo katika siku mbili tatu za mwisho ili tuumalize mwaka, ni kipindi kigumu, lakini tunafahamu kwamba kama sio kwa mapenzi yake muumba, tusingeweza kuzihesabu siku hizi za mwisho wa mwaka zilizobaki.

Hata hivyo, wengi wetu tunamaliza mwaka huku tukiwa na machungu tele moyoni kutokana na kutenda na wale tuliowapenda na kuwathamini hivyo kwa kutambua hili nimeamua kuwakumbusha dada zangu mambo ambayo yanaweza kuwatoa katika mateso ya mahaba.

Boxing Day

2007-12-27T22:56:00.000-08:00

katika kuadhimisha boxing dei leo na tumpongeze bingwa wa dunia wa kickboxing mmbongo japhet kaseba (kulia) kwa kuchaguliwa kuwa mwanamichezo bora wa mwezi Novemba mwaka huu.
kaseba alichaguliwa na chama cha waandishi wa habari za michezo tanzania (taswa) kwa kura 160 mbele ya grace daudi, mfungaji bora wa mpira wa kikapu katika mashindano ya Kombe la Nje ambaye aliyepata kura 132 na catherine mapuwa wa ngome, pia mpira wa kikapu, ambaye alipata kura 104.

wachezaji waliopata kuwa wanamichezo bora wa mwezi kwa kufanya vizuri toka januari mwaka huu ni haruna moshi (soka) masoud Amour (judo), banuelia mrashani ( riadha), ali mustapha ' Barthez; (soka), joseph dimei (riadha), erasto nyoni ( soka), martin sule (riadha), kudra omar ( soka) , osward Morris ( soka) na Mary Meshack (kikapu).

Rais Kikwete

2007-12-27T22:51:00.000-08:00

Tarehe 21/12/2007 ilitimia miaka miwili kamili tangu Rais Kikwete aapishwe kuwa Rais wa Nne wa Jamhuri ya Muungano wa Tanzania. Katika kuzingatia miaka hiyo miwili Rais Kikwete alikutana na wahariri na waandishi wa vyombo mbalimbali vya habari nchini ambapo alifanya mahojiano nayo.
Ifuatayo ni sehemu ya mwanzo tu wa mahojiano hayo. Unaweza kuyasikiliza mahojiano hayo kwenye tovuti yetu mpya ya http://www.klhnews.com eneo la Podcasts.
Title: KLH News Episode: Mahojiano ya waandishi na Rais Kikwete
http://mwanakijiji.podOmatic.com/entry/eg/2007-12-25T22_31_31-08_00
Enjoy!

WAKALI KWANZA

2007-12-27T22:42:00.000-08:00

Hiki ni kichwa kigeni kabisa kutoka 'Wakali Kwanza' kilichovumbuliwa na kundi la Wakali Kwanza, anafahamika kama Nimo na wimbo 'Vumilia' ndio umemtambulisha rasmi kwenye ramani ya muziki nchini.

Msanii huyu alianza kuimba tokea alipokuwa anasoma huko nchini Malawi na baada ya kumaliza masomo yake alirudi nchini mwaka 2006 na kujiunga na kundi la Wakali Kwanza ila hakuweza kutoka hapo mwaka jana kutokana na shughuli binafsi zilizokuwa zinamkabili.

"Nilikuwa napenda sana kuimba, na nakumbuka kipindi nilipokuwa nasoma nilikuwa natumia muda wangu mwingi kuimba na niliamini siku moja nitakuja kuwa mkali kama..........

OKOA HIPHOP NI SO!!

2007-12-27T22:37:00.001-08:00

Bongo5 issue namba 3 is out and Adili na nduguze wa kwenye OKOA Hip Hop wakiwa kwenye Front page.

CPWAA

2007-12-27T22:35:00.001-08:00

Simuyangukamera captured a moment na mmoja ya actor na msanii maarufu wa michezo ya kwenye ya Luninga,KANUMBA.Very soon mtasikia CPWAAA nimeingia kwenye FILM INDUSTRY,stay tuned

HAFSA NYOTA ILIYO NG'ARA 2007

2007-12-27T22:31:00.000-08:00

Leo HAFSA KAZINJA a.k.a PRESHA came to pressurized the building.Hafsa ametikisa mwaka huu na singo yake ya Presha aliyomshirikisha Banana zorro.Kwa mujibu wa KACHUMBARIFLAVA moja ya brand za Push Mobile hii hapa ni list ya Top selling ringtones(milio ya simu) in Tanzania 2007

J4 BSS 2007

2007-12-27T22:27:00.000-08:00

Lile zoezi la kumtafuta star wa bongo mwenye kipaji cha muziki BONGO STAR SEARCH limeamua kuanzisha na jarida lake kabisa ambalo sasa linapatikana mitaani likishehena habari na matukio yote ikiwemo majaji na washiriki.vile vile wapo na official website yao ya BONGOSTARS.COM kwa habari zaidi BOFYA HAPA

Banana

2007-12-27T22:18:00.000-08:00

Biashara ya majarida imeshamiri sana siku hizi.Hapo juu ni new issue ya jarida la Excel ambapo front page Banana zoro ameuza na mpenzi wake Suzy ambaye ni Mke mtarajiwa.

kikwete Rais wa Tanzania Shupavu

2007-12-27T22:08:00.000-08:00

Leo ni miaka miwili tangu Rais Jakaya Mrisho Kikwete aingie madarakani. Mambo mengi yamefanyika katika kipindi hiki cha miaka miwili, yapo yanayo kubalika na ambayo hayakubaliki na wachache. Pia leo gazeti la Kiswahili la Serikali linatimiza mwaka mmoja gazeti hili ni HabariLEO- www.habarileo.co.tz gazeti hili kuanzishwa kwake ilikuwa ni moja ya sera za chama tawala kuwafikishia habari wananchi wa kawaida. Tuna yepi ya kusema wadau juu ya miaka hii miwili. Uwanja ni wetu hapa.

Maximo atimiza ndoto

2007-12-27T13:14:00.000-08:00

Ndoto za kuuza wachezaji nje zatimia
Pamoja na kupewa lawama za kila aina kuwa hana uwezo katika mpira wa Soka, hatimaye Kocha Mkuu wa Timu ya Taifa ya Tanzania (Taifa Stars) Marcio Maximo ndoto zake za kuuza wachezaji nje ya nchi zimeanza kuonyesha matumaini ya kutimia.
Michuano ya chalenji ambayo iliweza kumalizika mwishoni mwa wiki iliyopita, imeweza kuwapa nafasi wachezaji baadhi wa Kilimanjaro Stars kwa kwenda kufanya majaribio barani Ulaya.

Wachezaji wa timu ya Kili Stars walionaswa katika michuano hiyo ni pamoja na Nahodha wa Kilimanjaro Stars Hanry Joseph akiwemo na Uhuru Suleiman.

Hatimaye kupatikana kwa wachezaji hao ni kutokana na juhudi za Maximo, kuweza kuipandisha Tanzania katika kiwango cha FIFA hadi kufikia nafasi ya 89

2007-12-27T13:03:00.000-08:00

Joan azidi kuwa tishio

Taa inayo ng'ara ndani ya 'Jumba la Dhahabu'
Mwana dada huyu ni msanii wa muziki na vilevile ni msanii kwa upande wa maigizo, Joan David Matovolwa ndilo jina lake halisi tangu angali mtoto mpaka sasa, baada ya kuingia katika sanaa ya muziki pamoja na sanaa ya kuigiza alianza kujulikana kwa jina lile lile lake la Joan.
Alianza kujishughulisha na masuala ya muziki wa Bongo flava mwaka 2002 yeye mwenyewe kwa kulipua singo zake yeye mwenyewe zilizokwenda kwa jina la 'Unastahili', 'Nakuita' pamoja na 'Nafsi'. Baada ya hapo alikuja kujisughulisana na sanaa ya maigizo, alianza sana hiyo mwaka 2005 mpaka kufikia hapa alipo katika tamhtilia ya Jumba la Dhahabu.

Akielezea sanaa ya bongo sanaa ya bongo alisema kwamba kwa sasa bado ni changa kwani wenzetu wa nchi nyyingine 'Mamtoni' wameanza sanaa kitambo na pia hutupita/kutuzidi kwa mambo mengi kwani waigizaji wa hapa kwetu Tanzania 'Bongo' tunatakiwa tuzidishe juhudi sana ili mafanikio yetu yaweze kuwa juu ili sanaa ya bongo iweze kuwa juu zaidi kama wenzetu wa nchi za mbali.

Joan alizaliwa miaka 27 iliyopita katika Hospitali ya wilaya Igunga mkoa wa Tabora. Mwaka 1988 alianza elimu ya Msingi yaani darasa la kwanza katika shule ya Msingi iitwayo Amani iliyopo Dododma mpaka alipohitimu darasa la saba mwaka 1994.

Aliweza kubahatika kuendelea na elimu ya sekondari mwaka 1995 kwa kuanza kidato cha kwanza katika shule ya sekondari ya Dodoma hadi mwaka 1998.

Kwa upande wqa matatizo katika sanaa kwa ujumla, alisema kwamba hakuna matatizo makubwa kwani mambo ambayo ni lazima ukumbane nayo ukiwa kama msanii kwa upande wa uigizaji au msanii wa muziki lazima ukumbane na matatizo kama vile usumbufu unaojitokeza kutoka kwa mashabiki wa muziki unaoufanya au hata kwa wapenzi wa sanaa ya maigizo unayoifanya.

Alisema akiwa kama msanii kwa upande wa maigizo na hata wa muziki, anatarajia kuja kuwa msanii bora ili hapo baadae aweze kuja kuwa juu zaidi kujulikana hata nchi za nje na pia kwa sanaa ya muziki anapenda kuja kuwa Projuza katika nchi mbalimbali hapo baadaye.

Ushauri wake katika sanaa ya maigizo anawaeleza na kuwashauri wasanii wenzake kwamba wataumbe fika sanaa ya bongo kwa upande wa kuigiza ni kazi sana kwani mtu anatakiwa awe na bidii ya kujituma, kwani atapata mafanikio kama zilivyo kazi nyingine.

Na ushauri wake wa mwisho ni kwa upande wa sanaa ya muziki, anawashauri sana wasanii wa muziki huu wa kizazi kipya 'Bongo Flava' kwa wale wasanii chipukizi wanatakiwa wajijue kuwa wanakipaji gani mpaka kuingia katika sanaa ya muziki, na kwa wale wasanii wa muziki ambao ni mastaa wasilewe sifa bali wakaze buti kwani muda si mrefu wasanii chipukizi wanaweza kuwa juu yao kimuziki.

Kwa sasa Joan anaendelea na masuala ya muziki na pia anaendelea na sanaa ya maigizo, kwani anaendelea na kuigiza katika tamthilia ya Jumba la dhahabu inayorushwa katika Televisheni ya Taifa ya TVT.

Tunaona katika tamthilia hiyo msanii huyo ameigiza kama mtoto wa Mzee tajiri na jambazi katika filamu hiyo, na pia binti huyo alitokea kumpenda kijana Basupa ambaye alikuja kutekwa na majambazi wa baba yake katika tamthilia hiyo Mzee Chilo.

Katika tamthilia hiyo Joan amezaliwa yeye pamoja na kaka yake Cojack ambaye anarithi kazi ya baba yake, Joan na Cojack wanapinga baba yao kumuoa Bi Moza ambapo siku ya kuvalishana pete ilipofika kijana Cojack aliweza kumpa baba yake Mzee Chilo mkwara wa nguvu kuwa endapo atamvalisha Bi Moza pete ya uchumba na yeye atamuuwa atamuuwa mzee kankakaa ambaye alikuwa emetekwa na baba yake lakini yeye alimtorosha.

Mr Nice akamua nyatunyatu

2007-12-27T12:57:00.000-08:00

Mr Nice akamua nyatunyatu!
Pamoja na kufilisika kwake kunakosemwa na wengi hapa Bongo,msanii Lucas Mkenda 'Mr Nice' ameonekana kutokata tamaa na kujichanganya kila mahali kujaribu kutafuta riski.

Hayo yalithibitika mwishoni mwa wiki iliyopita...ambapo shuhuda wetu akiwa ktk anga zake za kula kinywaji maeneo ya Bagamoyo..alimfuma Mr Nice kwenye hoteli ya Paradise akiwa na Mike kubwaa mkononi akipiga show ya Live ya kukata na shoka kuburudisha wateja wa hoteli hiyo.

Akiwa haamini alichokuwa akikiona kutokana na maneno mengi kusemwa kuhusu msanii huyo,shuhuda huyo aliamua kufanya uchunguzi wa kinyatunyatu ili kujua bendi hiyo anayoimbia inaitwaje na inamilikiwa na nani.

Katika hangaikahangaika yake aliweza kumbana mfanyakazi mmoja wa hoteli hiyo aliyemweleza kuwa kwa anavyojua yeye bendi hiyo inamilikiwa na Mr Nice.

Kutokana na hilo meza yetu iliamua kumsaka Mr Nice kwa siku kadhaa bila mafanikio....nia yetu ikiwa ni kutaka kujua bendi hiyo ameianzisha lini na inaitwaje..na kama sio ya kwake ni ya nani!

jahffarai kuaga mwaka

2007-12-27T12:23:00.000-08:00

Jahffarai kuaga mwaka hivii!
Tukiwa tunajiandaa kumalizia mwaka wa 2007 na kuukaribisha mwaka wa 2008,msanii Jahffarai anajiandaa kuachia singo itakayokuwa zawadi ya kufunga mwaka 2007 kwa wapenzi wote wa muziki wake.

Hayo yalithibitishwa na Jahffarai mwenyewe na kuitaja zawadi hiyo ya singo kuwa itaitwa 'Am in luv'...ambayo imetengenezwa kwenye studio za Big Time production chini ya producer makini Said Komorie.